Полска го засилува надзорот на небото со нови радари поради растечките тензии во регионот

Полската агенција за воздушна навигација PANSA пушти во употреба два нови радарски системи со цел да го подобри надзорот на воздушниот простор и оперативната безбедност, во рамки на пошироките напори за зајакнување на одбранбените капацитети на земјата во услови на зголемени регионални тензии, објави Reuters.

— реклама —

Како членка на NATO, Полска редовно подига свои и сојузнички борбени авиони како одговор на руските воздушни напади врз цели во Украина. Во изминатите години се регистрирани повеќе нарушувања на полскиот воздушен простор. Минатиот септември бил забележан упад на дваесетина дронови за кои Варшава тврди дека биле руски, како и серија балони од Белорусија, за кои се смета дека служеле за тестирање на системите на Алијансата за откривање закани.

— реклама —

— реклама —

Новите радари се поставени во близина на Катовице и Пултуск и претставуваат дел од инвестициски план вреден 1,4 милијарди злоти, кој ќе се реализира во периодот од 2024 до 2029 година. Според агенцијата, новата технологија ќе овозможи попрецизна комуникација меѓу воздухопловите и контролата на летање.

— реклама —

Сите радарски податоци ќе се споделуваат со полската армија, што е клучен сегмент од стратегијата за зајакнување на безбедноста. Од агенцијата нагласуваат дека, покрај контролата на цивилниот воздушен сообраќај, се развива и цивилно-воена соработка, со што се создаваат алатки за флексибилно управување со воздушниот простор во случај на потреба од воени операции.