Пожар избувнал во семејна куќа во кумановското село Матејче, при што две лица биле пренесени во болница поради вдишување чад.
Како што соопшти Министерството за внатрешни работи, на 29 мај во 13:28 часот во СВР Куманово било пријавено дека настанал пожар во куќа сопственост на М.С.
Пред пристигнувањето на надлежните служби, пожарот бил локализиран и изгаснат од соседите, со што било спречено негово понатамошно ширење.
Во инцидентот, А.С. (49) и Н.С. (20) вдишале поголема количина чад и биле пренесени во Општата болница во Куманово за укажување лекарска помош.
Увид на местото на настанот извршила екипа од СВР Куманово, а причините за избувнувањето на пожарот се утврдуваат.
