„Пожарот во Мариово ја зафати и пругата, по санирањето ќе се заменат праговите и ќе се забрза сообраќајот кон Битола“, вели Николоски

Пожарот што беснее во Мариово ја зафатил и железничката линија кон Битола, поради што биле преземени безбедносни мерки за заштита на патниците и возовите, информираше вицепремиерот и министер за транспорт Александар Николоски.

— реклама —

Одговарајќи на новинарско прашање, Николоски посочи дека екипи од „Железница Транспорт“ и „Железница Инфраструктура“ учествуваат во справувањето со пожарот.

— реклама —

„За жал, пожарот ја опфати и железничката линија. Да се заблагодарам на тимовите од Железница Транспорт и Инфраструктура, коишто учествуваат во гаснењето на пожарите. Од безбедносни причини, точно е дека одлучивме да се заштити животот на граѓаните и, секако, да се заштитат возовите, и дека заради тоа се направи оптимизација“, изјави Николоски.

— реклама —

Тој додаде дека штом целосно ќе се надмине состојбата со пожарот, ќе се пристапи кон замена на оштетените прагови на пругата, со што ќе се овозможи забрзување на патувањето кон Битола.

„Веднаш ќе се оди на замена на тие прагови и ќе се забрза патувањето кон Битола“, рече Николоски.