Позитивен напредок во разговорите меѓу САД и Иран

Со посредство на Катар и Пакистан е постигнат напредок во индиректните преговори меѓу САД и Иран, соопштија посредниците по новата рунда разговори одржана во главниот град на Катар, Доха.

— реклама —

Портпаролот на катарското Министерство за надворешни работи, Маџед ал-Ансари, изјави дека е постигнат „позитивен напредок“ во прашањата поврзани со рамковниот договор што беше постигнат пред две недели за ставање крај на војната во Иран.

— реклама —

Разговорите биле одржани одделно со претставниците на двете страни, а посредниците ги пренесувале ставовите и предлозите меѓу американската и иранската делегација.

— реклама —

Ал-Ансари преку социјалната мрежа „Икс“ соопшти дека двете страни се согласиле разговорите да продолжат и во наредниот период, а нова средба ќе биде закажана што е можно поскоро по завршувањето на погребните церемонии за поранешниот ирански врховен водач, ајатолахот Али Хамнеи, кој загина во израелски воздушен напад кон крајот на февруари.

— реклама —

Според иранските медиуми, церемониите ќе започнат на 4 јули во Техеран и во светиот град Ком, додека погребот е предвиден за 9 јули во неговиот роден град Машхад, на североистокот на Иран.