Пратеник од власта поддржа минималец и најави дека би гласал за уставни измени

Пратеникот на ЗНАМ, Миле Цеков, на Комисијата за финансирање и буџет го поддржа предлог-законот за зголемување на минималната плата, иако останатите пратеници од владејачкото мнозинство гласаа против. Одлуката ја образложи како лична доследност на ветувањата дадени во изборната кампања.

— реклама —

Цеков денеска во емисијата „Студио 10“ на телевизијата „24“ изјави и дека лично нема ништо против внесувањето на Бугарите во Уставот и дека би гласал за уставните измени.

— реклама —

„Немам ништо против да гласам за уставните промени. Не губиме ништо ако бугарскиот етникум се внесе во Уставот. Треба дијалог со соседите, а не реторика“, рече Цеков.

— реклама —

Неговиот став се разликува од позицијата на лидерот на ЗНАМ, Максим Димитриевски, кој во кампањата бараше уставните измени да имаат одложено дејство, односно да важат по влезот на Македонија во ЕУ.

— реклама —

Цеков се залага за „попрагматичен пристап“, посочувајќи дека евентуалните ризици може да се блокираат со 81 пратеник, но и дека останува отворено прашањето која е алтернативата ако не се направи чекор напред во евроинтеграциите.