Прекинато гласањето во Лесковац, член на одборот ја скршил гласачката кутија

Гласањето на едно избирачко место во Лесковац, Србија, било прекинато денеска попладне, откако член на избирачкиот одбор ја скршил гласачката кутија и удрил претставник на студентите, пренесува „ЈУГпрес“.

— реклама —

Според достапните информации, инцидентот го предизвикало лице кое во избирачкиот одбор ја претставувало малцинската листа на Расим Љајиќ и е вработено во Туристичката организација на Лесковац. На местото пристигнала полицијата.

— реклама —

— реклама —

Сличен инцидент бил забележан и во селото Јелашница, во општината Сурдулица. Таму, околу 13:50 часот, Драган Здравковиќ, член на избирачкиот одбор од Српската напредна партија, ја скршил гласачката кутија на избирачкото место број 17 во Основното училиште „Бора Станковиќ“.

Според сведоците, тој го направил тоа поради незадоволство од текот на изборниот процес.