Премиерот итно да го дисциплинира министерот за правда – граѓаните бараат ефикасност, а не партиски прес-конференции на државен трошок , велат од ЛДП

Либерално-демократската партија (ЛДП) реагираше на вчерашната прес-конференција на министерот за правда, оценувајќи дека наместо информирање за реформските процеси, јавниот настап бил искористен за политички пораки и критики кон опозицијата.

— реклама —

Од партијата наведуваат дека нивниот претставник во работната група за Изборниот законик, Дејанчо Цветановски, бил сведок на, како што велат, изнесување ставови кои не биле усогласени со работната група, туку претставувале личен или партиски пристап на министерот.

— реклама —

ЛДП бара итна реакција од премиерот, оценувајќи дека е потребно укажување и дисциплинирање на министерот за правда поради, како што наведуваат, недолично користење на институционалната позиција.

— реклама —

Во реакцијата се посочува и потреба од преиспитување на довербата кон министерот поради доцнење на реформската агенда, при што од ЛДП предупредуваат на ризик од губење на средства од европските фондови.

— реклама —

Партијата додава дека Министерството за правда не смее да функционира како партиска платформа и дека е неопходен поширок и инклузивен пристап во спроведувањето на реформите, со цел враќање на довербата во правниот систем.