Пресметка меѓу две групи во Тетово, двајца 20-годишници со убодни рани

Двајца 20-годишници се здобиле со убодни рани во физичка пресметка меѓу две групи пред угостителски објект во Тетово, а полицијата приведе три лица и работи на идентификување на други учесници.

— реклама —

Настанот бил пријавен синоќа во 23:50 часот на улицата „Борис Кидрич“.

— реклама —

Според СВР Тетово, во пресметката бил употребен и нож, а со убодни рани се здобиле Е.М. (20) и А.Р. (20), двајцата од Камењане.

— реклама —

По преземените мерки, во 1:25 часот во Клиничката болница Тетово бил лишен од слобода А.Р., додека пет минути подоцна во СВР Тетово сами се пријавиле Х.Ш. (22) од Ново Село и А.Б. (23) од Горно Палчиште. И тие биле лишени од слобода и задржани во полициска станица.

Полицијата продолжува со идентификување на останатите лица кои учествувале во пресметката. По целосното расчистување на случајот ќе следуваат соодветни пријави.