Пресврт по тепачката во Битола: Оној кој го влечеле по „Широк сокак“ е жив, починал оној кој влечел

Се случи пресврт во случајот што ја вознемири Битола, откако МВР потврди дека 39-годишниот маж од Струмица, чие тело беше пронајдено во дворот на битолската болница, не е лицето кое се гледа на видеоснимката како е влечено по Широк сокак.

На снимката, која се појави на социјалните мрежи, се гледа како едно лице влече друго по улицата во раните утрински часови. Случајот дополнително привлече внимание откако следниот ден МВР соопшти дека во кругот на битолската болница е пронајдено безживотно тело на 39-годишник од Струмица.

— реклама —

Сепак, по утврдувањето на идентитетите на лицата од снимката, полицијата утврдила дека починатиот не е човекот кој бил влечен.

„Во врска со видеоснимките од социјалните мрежи, ве информираме дека од страна на СВР Битола е утврден идентитетот на лицата кои се на снимката, при што за расчистување на настанот се повикани повеќе лица на службен разговор. Потенцираме дека споменатото починато лице, Ј.И., во дворот на КБ Битола не е лицето кое на видеоснимката е влечено од страна на друго лице“, соопшти МВР, а пренесе „Канал 5“.

— реклама —

Во меѓувреме, 39-годишникот од Струмица, по физичката пресметка што се случила рано во понеделникот, со екипа на Итната медицинска помош бил пренесен во Ургентниот центар во Битола. Таму бил прегледан на повеќе одделенија и бил упатен на дополнително снимање, но не се појавил на рендген и ја напуштил болницата.

— реклама —

„Во Ургентниот центар е донесен со екипа на Итната медицинска помош, од таму на Одделението за психијатрија, хирургија и неврохирургија, каде што е уредно прегледан и упатен на рендген, каде што не се јавил. Потоа ја напуштил болницата“, соопштија од битолската болница.

Неофицијално, како можна причина за смртта се споменува срцев застој, но конечниот одговор треба да го даде обдукцијата, која е во тек.

Засега останува да се утврди дали 39-годишникот имал траги од насилство, какви биле резултатите од лекарските прегледи и дали физичката пресметка има поврзаност со неговата смрт.

(Видео) Се појави снимка: Човекот најден мртов во дворот на битолската болница бил влечен низ чаршијата

Случајот со 39-годишниот струмичанец, чие тело беше пронајдено во дворот на битолската болница, отвори низа прашања за тоа што се случувало во часовите пред неговата смрт.Неколку часа претходно, безбедносна камера на Широк Сокак снимила непознат човек како го влече струмичанецот по калдрмата. Обвинителството за „Телма“ потврдило дека лицето на снимката е починатиот.Ноќта кога било пронајдено телото, Обвинителството добило само усно известување за тепачка во близина на местото каде што е направен

Македонија | пред 1 месец