Преживеан од пеколот во „Пулс“ со преврзана глава се соочи со Деко во судницата

На денешното, трето рочиште за случајот „Пулс“ во Идризово, како оштетен се појави едно од лицата повредени во пожарот, со завои на главата.

— реклама —

Пред новинарите рече дека се приклучува кон кривичниот прогон против обвинетите и дека надоместот за нанесената штета ќе го бара во граѓанска постапка.

— реклама —

Ова е прво рочиште на кое оштетените директно се соочија со првообвинетиот Дејан Јованов – Деко, сопственикот на дискотеката.

— реклама —

Според податоците што ги достави обвинителството, вкупно 222 лица биле повредени во пожарот: 157 со тешки телесни повреди и 65 со телесни повреди.

— реклама —

Обвинителството најави дека во доказната постапка ќе бидат внесени и дополнителни медицински документи, дел од нив пристигнати подоцна, а дел преведувани во изминатиот период.