Примирје по заканите, Трамп: „Голем ден за светскиот мир“ по паузата во нападите

Американскиот претседател Доналд Трамп го поздрави двонеделниот прекин на нападите врз Иран, оценувајќи го како „голем ден за светскиот мир“.

— реклама —

Во објава на Truth Social, Трамп порача дека Иран „доволно војувал“ и дека следува период на „позитивни потези“, најавувајќи и активна улога на САД во обезбедувањето на поморскиот сообраќај низ Ормутскиот теснец – една од најважните глобални рути за транспорт на енергенси.

— реклама —

„Ќе доставуваме залихи и ќе бидеме присутни за да осигуриме дека сè ќе се одвива како што треба“, напиша Трамп, изразувајќи уверување дека ситуацијата ќе се стабилизира.

— реклама —

Оваа изјава доаѓа по претходните остри закани од негова страна, кога предупреди дека „целата цивилизација може да исчезне“ доколку Иран не го отвори теснецот во зададениот рок.

— реклама —

Со новата реторика, се навестува привремено смирување на тензиите по повеќенеделната ескалација меѓу САД, Израел и Иран.