Жител на Пробиштип е лишен од слобода откако кај него и во домот во кој престојувал била пронајдена наркотична материја, информира Министерството за внатрешни работи.
Според информациите, на 1 јуни околу 21:20 часот на улицата „Јаким Стојковски“ во Пробиштип, полициски службеници од ОВР Пробиштип го привеле Ј.Ј. (37) од Пробиштип, откако при контрола кај него била пронајдена и одземена бела грутчеста материја.
Подоцна, врз основа на судска наредба, бил извршен претрес во домот во кој престојувал, при што била пронајдена и одземена и бела прашкаста материја.
Од МВР соопштија дека лицето е задржано во полициска станица и дека по целосно документирање на случајот против него ќе биде поднесена соодветна пријава.
