(Видео) Проблемот со кравите во Крива Паланка стигна и до странските медиуми

Проблемот со кравите кои неконтролирано се движат низ Крива Паланка привлече внимание и на странските медиуми, откако беше објавено дека нивниот број надминува 1.000.

Хрватскиот „Дневник“, повикувајќи се на „Еуроњуз“, објави дека животните предизвикуваат материјални штети и вознемиреност кај локалното население. Крави можат да се забележат на улиците, во сообраќајот, парковите и во близина на семејните куќи, дури и во ноќните часови.

— реклама —

— реклама —

Градоначалникот на Крива Паланка, Сашко Митовски, побара од Владата да прогласи 30-дневна кризна состојба, образложувајќи дека општината нема доволно ресурси за справување со проблемот. Според неговите податоци, пред пет години низ општината се движеле околу 400 говеда, а денес нивниот број надминува 1.000.

„Претрес“ на Стојна за Куклица и наплатите, а на градоначалникот на К. Паланка за кравите и хаосот Гледај на LANDOV.MK 3:01:09

— реклама —

Жителите стравуваат од ненадејни средби со животните, а пријавени се и штети на земјоделските површини и општинскиот имот.

— реклама —

Според информациите што ги пренесуваат странските медиуми, голем дел од говедата претходно биле во сопственост на едно семејство. Негови членови биле приведени поради наводно попречување на постапката за одземање на добитокот од страна на Агенцијата за храна и ветеринарство. Животните, според истите информации, не биле соодветно згрижени по одземањето, поради што продолжиле слободно да се движат.

Од општината посочуваат дека немаат доволно финансиски средства ниту соодветни објекти за сместување на толкав број животни. Со прогласување кризна состојба се очекува подобра координација меѓу локалните и државните институции и обезбедување ресурси за решавање на проблемот.