Пронајдена дрога во Тетово, Скопје и Неготино, повеќе лица приведени

Полицијата спроведе повеќе акции на различни локации низ земјава, при што беа пронајдени наркотични материи и приведени неколку лица.

— реклама —

Во Тетово, при акциска контрола во угостителски објект на улицата „Димо Гавроски Кара“, во тоалетните простории биле пронајдени мобилен телефон со остатоци од бела прашкаста материја, кеса со прашкаста материја и фолија со марихуана. Со сопственикот и вработен бил извршен службен разговор, а предметите се одземени за вештачење.

— реклама —

Во друг случај во Тетово, полицијата лишила од слобода две лица од селата Пирок и Добарце, откако при преглед на возило „БМВ“ биле пронајдени четири паковки со бела прашкаста материја.

Во Демир Капија, приведен е 17-годишник од Неготино кој, откако ги забележал полициските службеници, фрлил паковка со бела прашкаста материја. Со него бил извршен разговор во присуство на родител, адвокат и претставник од Центар за социјални работи.

— реклама —

Во Скопје, на повеќе локации, полицијата привела шест лица, меѓу кои и малолетник, кај кои биле пронајдени бела прашкаста материја и марихуана.

— реклама —

По целосно документирање на сите случаи, против инволвираните ќе бидат поднесени соодветни пријави.