Пукотници и паника: Трамп открива детали од драмата во Вашингтон

Драма се одвиваше на вечерата на дописниците на Белата куќа во Вашингтон, кога вооружено лице успеало да го пробие безбедносниот кордон и да испука куршуми, по што американскиот претседател Доналд Трамп бил итно евакуиран од местото на настанот.

— реклама —

На свеченоста, на која присуствувале повеќе од 2.500 гости, меѓу кои и првата дама, потпретседателот и членови на владата, настанала паника кога се слушнале истрели. Безбедносните служби реагирале за неколку секунди, опкружувајќи го претседателот и извлекувајќи го од салата.

Американскиот претседател Доналд Трамп изјави дека напаѓачот кој отвори оган на вечерата на дописниците на Белата куќа бил радикализирана и психички нестабилна личност, додавајќи дека не е сигурен дали тој бил директната цел на нападот.

— реклама —

Во интервју дадено по инцидентот, Трамп посочи дека напаѓачот поминал низ значителни промени и, според неговите зборови, се оддалечил од своите претходни верски убедувања. Тој нагласи дека семејството на осомничениот било загрижено за неговото однесување и дека постоеле претходни пријави до полицијата.

— реклама —

Претседателот опиша дека во моментот на пукањето не чувствувал страв, оценувајќи дека ваквите ситуации се дел од „луд свет“, но призна дека првата дама била видливо вознемирена. Според него, безбедносните служби реагирале исклучително брзо, опкружувајќи го за неколку секунди и евакуирајќи го од салата.

Трамп истакна дека во првите моменти сакал да види што се случува и дека дури се обидел да се врати на настанот, но по проценката на ризикот бил пренесен на безбедна локација. Тој додаде дека напаѓачот успеал да се приближи благодарение на голема брзина, но бил неутрализиран веднаш од страна на обезбедувањето.

— реклама —

Во текот на разговорот, Трамп остро реагираше на делови од таканаречениот манифест на напаѓачот што беа цитирани од новинарот, негирајќи ги обвинувањата и оценувајќи ги како невистинити и навредливи.