Пуштен во употреба новиот кружен тек на Северен Булевар во Кавадарци

Кавадарци доби ново сообраќајно решение на Северен Булевар, во непосредна близина на објектот на Lidl. Новиот кружен тек денеска беше пуштен во употреба, со што се очекува да се подобри сообраќајната поврзаност и да се овозможи побезбедно и полесно движење во овој дел од градот.

— реклама —

Инфраструктурниот проект е реализиран преку соработка меѓу Општина Кавадарци и Lidl, со поддршка и ангажман на локални компании.

— реклама —

На пуштањето во употреба свои изјави за медиумите дадоа градоначалникот на Кавадарци, Митко Јанчев, и директорот за недвижнини во Lidl, Гоце Гаврилов. Тие ја истакнаа важноста на соработката меѓу локалната самоуправа и приватниот сектор, како и значењето на проектот за унапредување на инфраструктурата и подобрување на условите за граѓаните.

— реклама —

Со реализацијата на кружниот тек, Кавадарци добива уште едно современо инфраструктурно решение, а соработката меѓу Општината и приватниот сектор е претставена како пример за заедничко вложување во развојот на градот.

Од Општина Кавадарци посочуваат дека градот продолжува да се развива преку нови инвестиции, подобрување на инфраструктурата и партнерства насочени кон интересите на граѓаните.