Рајт: Ормутскиот теснец ќе станува сè помалку важен за транспортот на нафта

Американскиот министер за енергетика Крис Рајт изјави дека значењето на Ормутскиот теснец за транспортот на нафта постепено ќе се намалува, бидејќи сè повеќе земји од регионот ги зголемуваат капацитетите на своите нафтоводи.

— реклама —

Тој додаде дека Иран повеќе нема да може да ја користи својата контрола над теснецот како средство за притисок.

— реклама —

Рајт оцени дека актуелната енергетска криза ќе биде привремена и порача дека од Иран зависи кога таа ќе заврши.

Во интервју за CNBC, Рајт изјави дека Кина во иднина ќе стане поголем купувач на американска нафта, по разговорите меѓу американскиот претседател Доналд Трамп и кинескиот претседател Си Џинпинг.

— реклама —

Според него, зголемените купувања на американска нафта би можеле да придонесат за поголем економски раст.

— реклама —

Тој нагласи и дека Соединетите Американски Држави не сакаат да преземаат мерки што би довеле до намалување на производството на нафта и гас и додаде дека земјата ќе продолжи со извозот на дизел.