Регистрирани 14 пожари на отворен простор, четири сè уште се активни

До 18 часот денеска во државата се регистрирани вкупно 14 пожари на отворен простор, од кои четири сè уште се активни, два се ставени под контрола, а осум се целосно изгаснати, информира Центарот за управување со кризи.

— реклама —

Активни се пожарите во Општина Штип кај селото Пенуш, каде гори депонија, во Општина Прилеп кај селото Локвени, каде се зафатени ниска вегетација и шума, како и два пожара на територијата на Општина Крушево – кај селото Јакреново, каде гори нискостеблеста шума, и кај селото Пресил, каде е зафатена ниска вегетација.

— реклама —

Под контрола се пожарите кај селото Доброшинци во Општина Василево, каде гори депонија, како и на градската депонија во Кочани.

— реклама —

Во меѓувреме, целосно се изгаснати осум пожари на различни локации во државата, и тоа во Кочани, Желино, Теарце, Брвеница, Делчево, Прилеп и Општина Илинден.

— реклама —

Од Центарот за управување со кризи информираат дека надлежните служби и понатаму ја следат состојбата на терен и преземаат мерки за локализирање и гаснење на активните пожари.