Рекорден број граѓани на ЕУ ја напуштиле Белгија

Рекорден број граѓани на Европската Унија ја напуштиле Белгија во текот на 2024 година, покажува годишниот извештај на белгиската агенција за миграции „Мирија“.

— реклама —

Според извештајот, минатата година од Белгија се иселиле 61.338 државјани на земји членки на ЕУ, што е највисок број досега. Најбројни меѓу нив биле Романците, Французите и Холанѓаните.

— реклама —

Во исто време, во Белгија се доселиле 171.706 странски државјани, бројка слична на онаа од 2023 година и повисока од периодот пред пандемијата. Речиси половина од новодојдените се државјани на Европската Унија, додека останатите доаѓаат од други европски земји, Азија, Африка и американскиот континент.

— реклама —

Од агенцијата „Мирија“ оценуваат дека иселувањето на граѓаните на ЕУ е сложен и тешко предвидлив процес, кој зависи од причините поради кои тие првично се преселиле во Белгија.

Заклучно со 1 јануари 2025 година, Белгија има 11,8 милиони жители, од кои околу 1,6 милиони се странски државјани, а повеќе од 2,6 милиони се лица со странско потекло, што претставува околу 22 проценти од вкупното население.