Романија добива соларна електрана од 342 MW, ЕБОР вложува 120 милиони евра

Европската банка за обнова и развој (ЕБОР) одобри финансирање до 120 милиони евра за изградба на голема соларна електрана во Романија, која ќе биде опремена и со батериски систем за складирање електрична енергија.

— реклама —

Проектот во округот Брашов предвидува изградба на соларна електрана со капацитет од 342 мегавати, како и батерии со капацитет од 150 MW/300 MWh. Целта е да се зголеми производството на електрична енергија од обновливи извори, но и да се обезбеди поголема стабилност и флексибилност на романската електроенергетска мрежа.

Финансискиот пакет на ЕБОР ќе изнесува до 120 милиони евра, од кои 57 милиони евра ќе бидат директен кредит од банката, а дополнителни 63 милиони евра ќе бидат обезбедени преку Б-кредит. Вкупната вредност на проектот ќе достигне до 229 милиони евра, со учество и на други меѓународни банки.

— реклама —

Европската Унија дополнително го поддржува проектот преку програмата InvestEU, со гаранција до 115 милиони евра, со што се намалува ризикот за финансиерите и се поттикнува поголемо учество на приватниот капитал.

— реклама —

Батерискиот систем ќе овозможи дел од електричната енергија произведена во текот на денот да се складира и да се користи во периоди на зголемена потрошувачка. На тој начин ќе се помогне во одржувањето на стабилноста на мрежата и ќе се намали потребата од активирање електрани на фосилни горива во периодите на најголема потрошувачка.

Инвестицијата е дел од романскиот систем на договори за разлика, со кој се поттикнува изградбата на вкупно пет гигавати нови соларни и копнени ветерни електрани.

— реклама —

Од ЕБОР посочуваат дека ова е прв проект во Романија што банката го финансира, а кој директно комбинира соларна електрана со батериски систем за складирање енергија.