Русија има доволно јаглен за повеќе од 500 години експлоатација

Русија располага со толку големи резерви на јаглен што тие би овозможиле експлоатација во следните пет века, изјави рускиот министер за енергетика Сергеј Цивиљов, нагласувајќи ги големите можности за развој на рударството во земјата.

— реклама —

Според него, Русија има значителен потенцијал за натамошно искористување на своите наоѓалишта и е подготвена да ги споделува своите достигнувања со други држави, пренесе агенцијата РИА Новости.

— реклама —

„Енергетскиот биланс меѓу различните извори на енергија мора да биде разумен“, изјави Цивиљов.

Русија е меѓу најголемите извозници на јаглен во светот, а особено е насочена кон азиските пазари.

— реклама —

Според податоците на руското Министерство за енергетика, извозот на руски јаглен на крајот од минатата година достигнал околу 203 милиони тони, што претставува зголемување од приближно четири отсто во споредба со 2024 година.

Најголемите наоѓалишта на јаглен во Русија се наоѓаат во Сибир и на Далечниот Исток.