Русија испраќа нова порака: „Ќе дејствуваме уште пожестоко“

Рускиот претседател Владимир Путин е подготвен повторно да ги прими американските пратеници Стив Виткоф и Џаред Кушнер, изјави рускиот министер за надворешни работи Сергеј Лавров.

— реклама —

„Не одбиваме да разговараме со нив. Ако дојдат, тие знаат дека рускиот претседател Владимир Путин е подготвен повторно да ги прими. Прашањето е, сепак, со што доаѓаат“, изјави Лавров во интервју за руски медиуми.

Тој истовремено рече дека Москва побарала од американскиот Стејт департмент информации за наводната вмешаност на САД во украински напади врз цивилни објекти на руска територија.

— реклама —

Лавров ја отфрли можноста Русија во овој момент да прифати прекин на борбите долж актуелната линија на фронтот во Украина. Според него, таков чекор би значел откажување од руските цели во конфликтот.

— реклама —

„Ако сега одеднаш застанеме на линијата на раздвојување, ќе дозволиме да биде прецртан подвигот на нашите предци кои го победија нацизмот. Тоа не може да се разгледува“, рече Лавров.

Рускиот министер го обвини Киев дека се фали со напади врз руски цивили и додаде дека Москва нема да ги применува истите методи.

— реклама —

Лавров најави дека Русија ќе продолжи со, како што ги нарече, „уште пожестоки дејствија“ насочени кон уништување на инфраструктурата и средствата што, според Москва, од Запад се користат за поддршка на украинската воена машина.