Русија повика на итно спречување на нова ескалација на Блискиот Исток, откако пропаднаа преговорите меѓу САД и Иран во Пакистан, а додека истовремено војува во Украина.
Рускиот министер за надворешни работи, Сергеј Лавров, во телефонски разговор со својот ирански колега Абас Аракчи нагласил дека е од клучно значење да се избегне повторно избивање на вооружен конфликт.
„Важно е да се спречи каква било обнова на непријателствата и уште еднаш ја потврдуваме подготвеноста на Русија да помогне во решавање на кризата, која нема воено решение“, соопшти руското Министерство за надворешни работи.
Од Москва додаваат дека Аракчи го информирал Лавров за деталите од разговорите меѓу САД и Иран, кои се одржаа викендов во Пакистан, но завршија без конкретен договор.
Пораката од Кремљ доаѓа во момент на зголемена неизвесност, кога примирјето останува кревко, а дипломатските канали засега не носат резултат.
