Руското Министерство за одбрана предложи привремен прекин на гранатирањето во Костјантиновка на 6 јули, со цел да се овозможи спроведување хуманитарна операција за предавање на телата на загинатите украински војници.
Според предлогот на Москва, украинската страна треба да го запре огнот во периодот од 12:00 до 18:00 часот по московско време, јави агенцијата „Интерфакс“.
Од руското Министерство за одбрана соопштија дека се подготвени да ја спроведат операцијата за предавање на телата по, како што наведуваат, воспоставувањето контрола врз градот од страна на руските сили.
Русија претходно соопшти дека на 3 јули ја презела контролата врз Костјантиновка, но украинските власти ги негираа овие тврдења.
