Руското Министерство за одбрана соопшти дека руските сили извршиле воздушни напади врз објекти на транспортната инфраструктура во пристаништата Одеса и Николаев, за кои тврди дека ги користат украинските вооружени сили.
Според соопштението, во пристаништето Одеса биле оштетени резервоари со гориво и мазива наменети за снабдување на украинската армија, додека во Николаев бил погоден морски влекач кој, според Москва, бил пренаменет за употреба на беспилотни пловила.
Руското Министерство за одбрана наведува дека претходно биле извршени напади и врз фабриката „Фајер Поинт“ во Киев, која, според руските тврдења, произведува компоненти и боеви глави за крстосувачките ракети „Фламинго“, како и врз други објекти поврзани со украинската воена индустрија.
Москва повторно истакна дека нејзините сили гаѓаат инфраструктура за која тврди дека има воено значење, со цел да го намалат воениот и економскиот потенцијал на Украина.
