Русија: Украина го прекршила примирјето со напади со дронови и артилерија

Руското Министерство за одбрана соопшти дека Украина го прекршила примирјето со напади со беспилотни летала и артилериски напади врз руски позиции, пренесе руската агенција „Интерфакс“.

— реклама —

Според министерството, во изминатите 24 часа руската противвоздушна одбрана соборила 57 украински дронови.

— реклама —

Од Москва тврдат дека Русија продолжува да го почитува прекинот на огнот, но дека руските сили „одговориле со иста мера“ на украинските дејствија, изведувајќи сопствени напади со ракетни системи и минофрлачи.

Украина претходно ја обвини Русија дека и покрај примирјето продолжила со напади со дронови и со интензивни борби на фронтот, наведувајќи дека во изминатото деноноќие биле регистрирани речиси 150 судири на бојното поле.

— реклама —

Примирјето беше договорено со посредство на Соединетите Американски Држави.

— реклама —

Агенцијата „Ројтерс“ наведува дека не можела независно да ги потврди тврдењата на двете страни за случувањата на фронтот.