Руски дрон погоди автобус во Херсон: Четири лица загинаа, четворица се повредени

Во руски напад со дрон врз автобус во јужниот украински град Херсон загинале четири лица, а уште четворица се повредени, соопшти регионалното обвинителство.

— реклама —

Според првичните информации, во нападот биле убиени четворица цивилни патници. Автобусот се движел по улица во Херсон, која често е цел на руски воздушни напади.

— реклама —

Фотографиите објавени од регионалните власти покажуваат жолт минибус со искршени прозорци.

— реклама —

Херсон, кој пред почетокот на војната имал околу 280.000 жители, беше под руска окупација од март до ноември 2022 година. Руските сили и понатаму редовно го напаѓаат градот, додека делови од регионот остануваат под окупација.

Нападите врз Херсон продолжуваат и по повеќе од четири години од почетокот на руската инвазија, при што последните месеци се регистрира зголемување на воздушните напади и бројот на цивилни жртви.