САД алармира поради ризици од вештачка интелигенција: итен состанок со банките

Американскиот секретар за финансии, Скот Бесент, свикал состанок во Вашингтон со раководствата на најголемите американски банки поради зголемените кибернетски ризици поврзани со најновиот модел на вештачка интелигенција на компанијата Anthropic.

— реклама —

На состанокот, според медиумските извештаи, присуствувал и гувернерот на американската централна банка, Џером Пауел, а меѓу присутните биле и раководители на некои од најголемите системски важни банки во САД, вклучувајќи ги „Goldman Sachs“, „Bank of America“ и „Citigroup“.

— реклама —

Причината за загриженост е новиот AI модел на Anthropic, кој, според интерни проценки, може да открива и искористува ранливости во софтвери и системи, што отвора ризици за финансиската стабилност и националната безбедност.

— реклама —

Компанијата соопшти дека моделот веќе идентификувал илјадници безбедносни пропусти, вклучувајќи и некои стари повеќе од децении, поради што неговата достапност е ограничена на мал број големи технолошки и индустриски партнери.

— реклама —

Експертите предупредуваат дека ваквата технологија може да биде злоупотребена од хакери за пробивање на заштитени системи, што дополнително ја зголемува загриженоста кај регулаторите и финансискиот сектор.