САД предупредуваат: Ирански хакери таргетираат критична инфраструктура

Американските власти предупредуваат дека хакери поврзани со Иран таргетираат критична инфраструктура во САД, при што веќе се регистрирани прекини во работењето и финансиски загуби.

— реклама —

Според соопштението, во кое учествуваат агенции како ФБИ и НСА, станува збор за активни кибер-напади врз уреди од оперативната технологија поврзани на интернет.

— реклама —

Најзагрозени се индустриските контролни системи, особено програмабилните логички контролери (PLC) на компанијата Rockwell Automation, кои се широко користени во критични сектори. Во дел од случаите, нападите веќе довеле до прекин на работните процеси и финансиски штети.

— реклама —

Американските служби посочуваат дека мета на нападите се системи поврзани со водоснабдување, канализација, како и енергетскиот сектор, што дополнително ја зголемува сериозноста на заканата.

Од властите нагласуваат дека вакви активности не се нови и дека групи поврзани со Иран и во минатото спроведувале слични операции, но сегашниот бран напади се смета за особено засилен во контекст на актуелните геополитички тензии.