(Видео) Пуканиот доктор Шаини ја брани сопругата од вмешаност во вооружениот напад во Куманово

Д-р Зекирија Шаини, во кој беше пукано пред неколку дена во Куманово среде бел ден, денеска на прес конференција ги отфрли обвинувањата и каква било вмешаност во инцидентот на неговата сопруга.

— реклама —

„Сакам јавно да ја изнесам вистината за инцидентот и да ги разјаснам неточните информации кои се шират преку медиумите и социјалните мрежи. Немам никакви сознанија за мотивите на нападот и немам никакви неразрешени сметки со никого“, истакна Шаини.

Тој целосно ги отфрли обвинувањата дека сопругата Арјета Адили, има каква било поврзаност со нападот, нагласувајќи дека ваквите тврдења се неосновани и нанесуваат штета на неговата фамилија.

— реклама —

„Барам од истражните органи да ја објаснат ситуацијата почитувајќи ја нашата семејна приватност и името на госпоѓата Адили“, додаде тој.

— реклама —

Шаини апелираше истражните органи да се фокусираат на откривање на вистинскиот сторител и да не го прикажуваат инцидентот како семејна расправија или недоразбирање.

„Фала му на Бога, мојата сопруга и ќерките се живи и здрави“, рече тој. „Стојам на располагање на органите на прогонот и сум заинтересиран случајот да добие што побрзо епилог и вистината да излезе на виделина. Апелирам и до политичките субјекти да не го користат овој инцидент за политички цели, особено во текот на локалната изборна кампања“, додаде Шаини.

View this post on Instagram