Сајбернапад врз италијанскиот парламент, на мета и е-поштата на Мелони

Информатичките системи на долниот дом на италијанскиот парламент биле цел на сајбернапад во изминатите денови, а меѓу потенцијалните цели била и парламентарната електронска адреса на италијанската премиерка Џорџа Мелони.

— реклама —

Информацијата ја потврдил извор од парламентот за „Ројтерс“, но засега не е познато дали хакерите успеале да пристапат до нејзината електронска пошта. Од парламентот посочиле дека безбедноста не е загрозена, бидејќи биле активирани сите потребни заштитни мерки.

— реклама —

— реклама —

Од кабинетот на Мелони дополнително појасниле дека станува збор за парламентарна адреса што премиерката не ја користи за службената комуникација на владата.

Нападот бил насочен и кон други пратеници, како и кон други институции. Сајбернападите во последните години се сè почести во Италија и низ Европа, а нивни цели често се владите, критичната инфраструктура и компаниите.