Савески се сретна со италијанскиот амбасадор

Јавниот обвинител на Република Северна Македонија, Ненад Савески, денеска остварил средба со италијанскиот амбасадор во земјава, Паоло Палминтери, на која било разговарано за соработката во областа на владеењето на правото и борбата против криминалот.

— реклама —

На средбата било истакнато дека соработката меѓу Јавното обвинителство и Италија е обемна, а Италија останува еден од најсилните поддржувачи на земјава во евроинтегративниот процес.

— реклама —

Амбасадорот Палминтери ги презентирал досегашните активности, вклучувајќи ги и двата меѓуинституционални меморандуми за зголемување на ефикасноста во борбата против еколошкиот криминал и кривичните дела против културното наследство, реализирани со поддршка на Италија.

Соговорниците разговарале и за идните активности, како и за предизвиците со кои се соочува обвинителството поради недостигот на јавни обвинители и ресурси.

— реклама —

Савески и Палминтери оцениле дека стабилноста и безбедноста на регионот се важни и за европската стабилност, имајќи предвид дека криминалните мрежи се меѓусебно поврзани.

— реклама —

Италијанскиот амбасадор изразил подготвеност Италија да ја зголеми поддршката за обвинителството во наредниот период, особено во делот на реформите поврзани со владеењето на правото.