СДСМ: Фон дер Лајен потврди дека македонскиот идентитет е добредојден во ЕУ, што брани Мицкоски?

СДСМ бара премиерот Христијан Мицкоски да соопшти како Владата планира да го деблокира европскиот пат на Македонија, откако претседателката на Европската комисија, Урсула фон дер Лајен, при посетата на Скопје порача дека земјата припаѓа во Европската Унија со својот македонски идентитет и јазик.

Портпаролката и членка на Извршниот одбор на СДСМ, Богданка Кузеска, на прес-конференција оцени дека пораките на Фон дер Лајен го потврдиле она што СДСМ и претседателот на партијата, Венко Филипче, го говорат за европската интеграција.

„Македонскиот јазик, култура и идентитет се заштитени со Преспанскиот договор, не се загрозени, туку се добредојдени во ЕУ. Сите лаги на Мицкоски се на виделина“, рече Кузеска.

— реклама —

Од СДСМ го обвинија Мицкоски дека пред доаѓањето на власт ветувал враќање на името, укинување на Преспанскиот договор, подобра преговарачка позиција и промена на Преговарачката рамка, а сега, според опозициската партија, неговите ставови се променети.

„Нас нè обвинуваше за предавство, граѓаните ги лажеше за загрозен идентитет. Сега и Фон дер Лајен, пред камери, пред арамијата Мицкоски рече: ве чекаме со македонскиот идентитет и јазик“, рече Кузеска.

— реклама —

Фон дер Лајен при посетата на Скопје порача дека Македонија припаѓа на масата на Европската Унија и дека ЕУ ја пречекува земјата со нејзиниот идентитет и јазик. Таа оцени и дека македонската култура и јазик можат да ја збогатат Унијата.

Претседателката на Европската комисија истовремено порача дека Македонија треба да направи клучен чекор за да продолжи напред и дека фокусот во моментов е ставен на деблокирање на процесот. Таа најави дека откако ќе се надмине блокадата, ќе може да се разговара и за патоказ за Македонија.

Од СДСМ тврдат дека токму ова покажува оти земјата во моментов нема патоказ за понатамошниот процес и дека најпрво мора да се деблокираат евроинтеграциите.

— реклама —

„Со блокадата на европскиот пат од страна на Мицкоски загубивме две и пол години, регионот оди напред, четири земји се со патокази за членство, а Македонија стои. Нема патоказ за Македонија, прво мора да се случи деблокада на процесот“, рече Кузеска.

На заедничката прес-конференција со Фон дер Лајен, Мицкоски потврди дека ќе побара од министерот за надворешни работи, Тимчо Муцунски, да иницира билатерална средба со бугарската страна во Софија следната недела, со цел да започне процес за надминување на блокадата.

— реклама —

СДСМ смета дека ваквиот развој не претставува исполнување на претходните барања на Мицкоски за посредување од Европската Унија.

„Мицкоски бараше медијација од ЕУ, тоа не го доби, наместо тоа доби порака да оди и да се обрати на Бугарија. Билатерална средба значи полоши позиции за Македонија“, рече Кузеска.

Според СДСМ, со директните разговори со Софија прашањето повторно се сведува на билатерален проблем меѓу Македонија и Бугарија. Партијата тврди и дека Мицкоски го одолжува европскиот процес поради прашањата поврзани со вла