СДСМ: Има ли некој што Мицкоски не го излажа – на сите пензионери им украде пари

СДСМ обвини дека Владата предводена од Христијан Мицкоски ги оштетила пензионерите со одлуката за линеарно зголемување на пензиите, наместо да продолжи методологијата за усогласување што ја воведе претходната влада.

— реклама —

Од партијата велат дека со зголемувањата од по 1.000 денари во септември 2025 и март 2026 година, пензионерите добиле помалку средства отколку што би добиле доколку продолжела методологијата на СДСМ.

— реклама —

Според нивните пресметки, при усогласувањето во септември 2025 година, пензионерите со најниска пензија би добиле зголемување од 1.280 денари, додека кај повисоките категории зголемувањето би било од 1.550 до 3.100 денари, со просек од околу 2.000 денари.

СДСМ посочува и дека при зголемувањето во март 2026 година, наместо линеарните 1.000 денари, пензионерите би добиле меѓу 1.500 и 1.800 денари доколку продолжела методологијата на СДСМ.

— реклама —

„Линеарниот модел на Владата ги оштети сите пензионери“, велат од СДСМ, додавајќи дека со ваквата политика, според нив, сите 347.296 пензионери изгубиле дел од средствата што би ги добиле со претходниот модел.

Од опозициската партија реагираат и на најавата дека Владата ќе се врати на методологијата за усогласување на пензиите, оценувајќи дека со тоа Мицкоски ги излажал и пензионерите.