СДСМ: Кога Мицкоски најавува поевтинување, цената оди нагоре – ребалансот е признание дека нема пари

СДСМ реагира на најавата на премиерот Христијан Мицкоски дека следната недела се очекува поевтинување на бензинот и дизелот, оценувајќи дека Владата задоцнила со мерките, а намалените буџетски приходи сега ќе се покриваат со ребаланс.

„Кога арамијата најавува поевтинување, цената оди нагоре“, велат од СДСМ, потсетувајќи дека партијата на почетокот на енергетската криза барала целосно укинување на акцизата, намалување на ДДВ на пет проценти и мерки за заштита на цените на основните производи.

Од опозициската партија посочуваат дека горивата во меѓувреме достигнале и над 100 денари за литар, што, според нив, се одразило врз цените на храната, транспортот, земјоделското производство и вкупните трошоци за живот.

— реклама —

СДСМ тврди дека сегашното намалување на даночните давачки не претставува долгорочно решение и дека помалите приходи во Буџетот на крајот повторно ќе ги платат граѓаните.

„Граѓанинот е во загуба двапати: поскап живот, плус враќање на кредитот со камата“, наведуваат од партијата.

Посебно се осврнуваат на најавениот ребаланс на Буџетот. Мицкоски претходно информираше дека поради намалените приходи од акцизата и ДДВ може да недостигаат околу седум до осум милијарди денари.

— реклама —

За СДСМ, тоа е показател дека мерките за горивата имаат директна цена врз државната каса.

„Ребалансот што го најави за овој месец е признание, не победа“, велат од партијата.

— реклама —

Во реакцијата СДСМ се повикува и на движењата на европскиот пазар. Просечната цена на дизелот во Европската Унија на крајот на септември достигна околу 2,24 евра за литар, додека бензинот беше околу 2,10 евра. Опозицијата ова го користи како аргумент дека притисокот врз цените на енергенсите во Европа сè уште трае.

Според последните објавени цени на Регулаторната комисија за енергетика, ЕУРОДИЗЕЛ БС се продава за 100 денари за литар, ЕУРОСУПЕР БС-95 за 100 денари, а ЕУРОСУПЕР БС-98 за 102 денари.

СДСМ ја отвора и темата за цената на електричната енергија и најавите за воведување паметни броила. Партијата се повикува на реакцијата на Инженери на Република Македонија, од каде што се спротивставија на задолжителна масовна замена на броилата во сите домаќинства, предупредувајќи дека трошоците за набавка, монтажа и одржување на крајот може да паднат врз граѓаните преку мрежарината или Буџетот.

— реклама —

Опозицијата упатува и обвинувања поврзани со набавката на броилата, тврдејќи дека зад проектот стојат финансиски интереси. За ваквите обвинувања во соопштението не се приложени докази.

СДСМ оценува дека Владата требало многу порано да интервенира со пониски даночни давачки за горивата и тврди дека со навремено прифаќање на нивните предлози ударот врз стандардот, земјоделството и цените на основните производи ќе бил помал.

„Имаше бајка за трета економија во Европа. Сега пак најавува. Народот веќе знае што следи по неговата