СДСМ: Мицкоски призна — две години ги труеле граѓаните на Гостивар

СДСМ реагираше на денешната изјава на премиерот Христијан Мицкоски дека „за првпат по многу години граѓаните ќе користат вода која е целосно бактериолошки исправна“, оценувајќи дека со тоа признал оти две години, додека ВМРО-ДПМНЕ е на власт, граѓаните на Гостивар користеле неисправна вода.

— реклама —

Од опозициската партија тврдат дека власта две години знаела за проблемот, но не презела соодветни мерки, додавајќи дека водата сè уште не е прогласена за безбедна за пиење.

— реклама —

СДСМ посочува и дека, според нив, самиот Мицкоски признал дека по хиперхлорирањето се појавила нова бактерија, додека министерот за здравство, Сашо Клековски, најавил дека до крајот на неделата водата ќе биде безбедна за пиење.

— реклама —

Во реакцијата се наведува и дека сè уште не се објавени документите за тоа кој потпишал дека водата е технички исправна за капење, како и дека проблеми со неисправна вода има и во други градови низ Македонија.

— реклама —

Од СДСМ оценуваат дека не станува збор за успех на Владата, туку за, како што наведуваат, признание за сериозен системски проблем.