СДСМ: По седум градови, Лепенец и Вардар – сега Рич и Белотино со загадена вода

СДСМ денеска обвини дека проблемот со загадената вода за пиење продолжува и дека по неколку градови, фекални бактерии се пронајдени и во селата Рич и Белотино.

— реклама —

Од партијата посочуваат дека по случаите со белата пена во реките Лепенец и Вардар, сега се појавуваат нови случаи кои, според нив, ја отвораат дилемата за безбедноста на водата за пиење.

— реклама —

Во соопштението, СДСМ тврди дека Владата и надлежните институции не обезбедуваат доволно информации за состојбата, при што го споменуваат и случајот со Гостивар, наведувајќи дека сè уште нема потпишан документ за кој, како што велат, би гарантирал дека водата е безбедна.

— реклама —

„Граѓаните бараат една едноставна работа – чиста вода и име на оној што гарантира дека е чиста. Сè друго е игра со здравјето на луѓето“, наведуваат од СДСМ.

— реклама —

Од партијата бараат институциите да обезбедат целосна транспарентност и да ја информираат јавноста за квалитетот на водата за пиење, како и за лицата што ја гарантираат нејзината исправност.