СДСМ прашува: Кој бил во владиниот авион заедно со Мицкоски?

Луксузирањето на Мицкоски врз грбот на граѓаните и летањето со владин авион на Јадранско море го покажа вистинското лице на премиерот и на неговата расипничка власт, велат од опозициската СДСМ.

„До толку се опиени од моќта и аздисаното грабање пари преку приватни бизниси и криминални тендери.

— реклама —

Додека граѓаните едвај врзуваат крај со крај, додека владата одбива 600 евра минимална плата, им кратат 40 милиони евра на земјоделците, 5 милиони евра во спортот, премиерот ужива со парите на народот, со владин авион на море.

Со часовници од 60 илјади евра, и со владин авион, Мицкоски покажа дека е ист како Никола Груевски кој се луксузираше со очила од 60 илјади евра и мерцедес од 600 илјади евра.

— реклама —

Додека недостасуваат милијарди во буџетот, додека храната, струјата и греењето се поскапени, Владата планира нови стотици милиони евра за авион – за нови туристички патувања на премиерот и министрите.

— реклама —

Ова е врв на аздисаност и ароганција на една корумпирана и криминална власт.

Мицкоски нека не се крие, нека излезе пред граѓаните и нека одговори:

— реклама —

Колку ги чинеше граѓаните неговото лукзусно летање со авион?

Кој бил со него во владинот авион“, се вели во соопштението.