Генералниот секретар на Обединетите нации, Антонио Гутереш, предупреди дека актуелното примирје меѓу САД и Иран не претставува вистински мир, туку кревка состојба која во секој момент може да прерасне во поширок вооружен конфликт.
Во објава на социјалната мрежа Икс, Гутереш оцени дека моменталната ситуација повеќе наликува на „послаб оган“ отколку на стабилно примирје и ги повика сите инволвирани страни итно да се насочат кон дипломатско решение.
„Не смееме да го потцениме ризикот оваа послаба ватра да прерасне во целосен, општ пожар“, напиша Гутереш.
Тој предупреди дека евентуална нова ескалација на Блискиот Исток би имала сериозни последици далеку надвор од границите на регионот.
„Регионот сè подлабоко тоне во криза, а последиците од овој конфликт се протегаат многу подалеку од самиот Блиски Исток“, порача генералниот секретар на ОН.
Неговата изјава доаѓа во период на зголемени тензии меѓу Вашингтон и Техеран, по неодамнешните воени удари и одмазднички напади, додека меѓународната заедница интензивно повикува на воздржаност и продолжување на дипломатските напори за спречување на поширока регионална војна.
