Во текот на ноќта серија помали земјотреси го погодија подрачјето меѓу Ромања и Тоскана, јавуваат италијанските медиуми.
Од 22:38 часот наваму бил регистриран таканаречен „сеизмички рој“ од шест последователни потреси. Најсилниот од нив бил измерен во 03:36 часот со магнитуда од 2,5 степени според Рихтеровата скала, на потегот меѓу Чезена и Арецо, пренесува агенцијата АНСА.
Епицентарот се наоѓал меѓу општината Вергерето (Форли–Чезена) во регионот Ромања и тосканската општина Ќузи дела Верна (Арецо).
Засега нема информации за евентуални штети или повредени лица.
