Северна Кореја остро ја осуди одлуката на Соединетите Американски Држави да одобрат продажба на напредни ракети воздух-воздух на Јужна Кореја, предупредувајќи дека таквиот потег може дополнително да ги зголеми тензиите на Корејскиот Полуостров.
Според севернокорејската државна новинска агенција КЦНА, претставник на Министерството за надворешни работи на Северна Кореја изјавил дека воената соработка меѓу Вашингтон и Сеул постојано се зајакнува и покрај, како што навел, загриженоста на меѓународната заедница поради растечките тензии во регионот.
![]([{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9362YEBRCB1FZM7W2K91B.gif","chance":50},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z937P7C633CS99SP77A7TT.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9399AWTQYS76JTASHNB6Z.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93AQ8NFSC3JGHXF78CANS.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93C62E7Z98JRQG22HQ1ZQ.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93DN7FVZHTTP5AWCCK8DP.gif","chance":10}])
Како последен пример бил посочен потегот на американскиот Стејт департмент да одобри продажба на напредни ракети воздух-воздух и придружна опрема за Јужна Кореја во вредност од речиси 300 милиони долари.
„Извозот на американско оружје претставува извоз на војна“, изјавил севернокорејскиот функционер.
Од Пјонгјанг порачаа дека Северна Кореја ќе продолжи да ги зајакнува сопствените капацитети за самоодбрана и одвраќање со цел, како што наведуваат, да ја зачува рамнотежата на силите во регионот.
Северна Кореја редовно ја критикува воената соработка меѓу САД и Јужна Кореја, оценувајќи дека станува збор за подготовки за евентуален вооружен конфликт.
