Северна Кореја: Извозот на американско оружје е извоз на војна

Северна Кореја остро ја осуди одлуката на Соединетите Американски Држави да одобрат продажба на напредни ракети воздух-воздух на Јужна Кореја, предупредувајќи дека таквиот потег може дополнително да ги зголеми тензиите на Корејскиот Полуостров.

— реклама —

Според севернокорејската државна новинска агенција КЦНА, претставник на Министерството за надворешни работи на Северна Кореја изјавил дека воената соработка меѓу Вашингтон и Сеул постојано се зајакнува и покрај, како што навел, загриженоста на меѓународната заедница поради растечките тензии во регионот.

— реклама —

Како последен пример бил посочен потегот на американскиот Стејт департмент да одобри продажба на напредни ракети воздух-воздух и придружна опрема за Јужна Кореја во вредност од речиси 300 милиони долари.

„Извозот на американско оружје претставува извоз на војна“, изјавил севернокорејскиот функционер.

— реклама —

Од Пјонгјанг порачаа дека Северна Кореја ќе продолжи да ги зајакнува сопствените капацитети за самоодбрана и одвраќање со цел, како што наведуваат, да ја зачува рамнотежата на силите во регионот.

— реклама —

Северна Кореја редовно ја критикува воената соработка меѓу САД и Јужна Кореја, оценувајќи дека станува збор за подготовки за евентуален вооружен конфликт.