Силен земјотрес со јачина од 4,3 степени ја стресе Тоскана

Земјотрес со јачина од 4,3 степени според Рихтеровата скала утрово ја погоди италијанската област Тоскана, соопшти Националниот институт за геофизика и вулканологија.

— реклама —

Потресот бил регистриран во 10:15 часот по локално време, а епицентарот се наоѓал на околу седум километри западно од Пиза, во близина на брегот. Хипоцентарот бил на длабочина од осум километри.

— реклама —

Тресењето го почувствувале жителите на Пиза, Ливорно и околните делови на Тоскана, а локалните медиуми јавуваат дека земјотресот бил почувствуван и во Валдера, долж брегот и во областа Версилија.

— реклама —

Многу граѓани на социјалните мрежи објавија дека почувствувале силен, но краткотраен потрес.

— реклама —

Засега нема информации за повредени лица или за поголема материјална штета.