Претседателката Гордана Сиљановска-Давкова денеска во Софија ќе учествува на Самитот на шефови на држави и влади на земјите од Процесот за соработка во Југоисточна Европа (ПСЈИЕ), каде што ќе се обрати на пленарната сесија посветена на темата „Компас кон стабилност, безбедност и одржливост“.
Домаќин на самитот е потпретседателката на Република Бугарија, Илијана Јотова, а на собирот ќе присуствуваат високи претставници од земјите од регионот. Меѓу нив се претседателот на Албанија, Бајрам Бегај, претседавачот на Претседателството на Босна и Херцеговина, Денис Беќировиќ, в.д. претседателката на Косово, Албулена Хаџиу, претседателката на Словенија, Наташа Пирц Мусар, претседателот на Црна Гора, Јаков Милатовиќ, како и министри и претставници од Молдавија, Турција, Грција и Хрватска.
На маргините на самитот, предвидени се и билатерални средби на Сиљановска-Давкова со бугарската потпретседателка Илијана Јотова и со в.д. претседателката на Косово, Албулена Хаџиу.
