„Следната година ќе се вози по една летна на автопатот Битола-Прилеп, ќе го решиме проблемот со десетина буџовани со вили во Ореовец кои Левица ги штити“, вели Николоски

Вицепремиерот и министер за транспорт Александар Николоски изјави дека изградбата на автопатските делници на Коридор 8 се одвива според планираната динамика и најави дека следната година ќе биде пуштена во употреба една коловозна лента од автопатот Прилеп-Битола.

— реклама —

Во интервју за ТВ Сител, Николоски рече дека целиот автопат треба да биде завршен до 2029 година, заедно со делниците Тетово-Гостивар и Гостивар-Букојчани.

— реклама —

Тој посочи дека единствен поголем проблем во моментов е пристапот до наоѓалиштето за материјал кај селото Ореовец, каде, според него, неколку сопственици на вили го блокираат процесот.

„Тоа нарушување на мир чини околу 100 милиони евра“, рече Николоски, додавајќи дека проблемот ќе биде решен и упати критики кон Левица, обвинувајќи ја дека ги поддржува сопствениците.

— реклама —

Министерот истакна дека најголем напредок очекува токму на делницата Прилеп-Битола, каде следната година треба да биде пуштена едната насока од новиот автопат.

— реклама —

За делницата Гостивар-Тетово рече дека е технички сложена поради дислокација на објекти, додека за Гостивар-Букојчани посочи дека напредокот е добар и дека веќе се пробиени 18 километри.