Со уништувањето на Ал-Шифа, пропадна здравствениот систем во Газа

Светската здравствена организација (СЗО) денеска соопшти дека уништувањето на болницата Ал-Шифа во Појасот Газа се „откорнало срцето“ на здравствениот систем во палестинската енклава.

— реклама —

„Уништувањето на Ал-Шифа го откорна срцето на здравствениот систем. Тоа беше место каде што луѓето одеа да ја добијат грижата што ја обезбедува добар здравствен систем, што сите ние очекуваме да ја добиеме ако ни треба“, рече портпаролката на СЗО, Маргарет Харис.

— реклама —

Израелските сили вчера ја напуштија болницата Ал-Шифа во градот Газа по двонеделната операција на израелската армија во која беше уништен болничкиот комплекс, јавува Ројтерс. Палестинската милитантна група Хамас објави дека по израелската операција биле пронајдени тела на луѓе со врзани раце и живи закопани, како и дека околните згради биле запалени и уништени, а цивили биле застрелани.

— реклама —

Хамас ги повика меѓународните судски тела, особено Меѓународниот суд на правдата, да „покренат вистински процедури за истрага на злосторствата извршени во болницата Шифа и нејзината околина и сите злосторства извршени за шест месеци“.

— реклама —

Агенцијата Anadolu наведува дека за време на двонеделните напади на болницата, израелската армија убила повеќе од 200, а притворила повеќе од 900 Палестинци.