Владата на Србија во технички мандат ја продолжи привремената забрана за извоз на нафта и нафтени деривати до 31 октомври, објавено е во „Службен гласник“.
Одлуката за изменување на мерката е донесена на 24 септември, со што нејзиното важење е продолжено за уште еден месец. Претходно, забраната требаше да истече на 30 септември.
Владата на Србија првпат ја воведе мерката на 9 март, кога беше забранет извозот на нафта и на сите нафтени деривати. Оттогаш рокот на забраната неколкупати беше продолжуван.
Како што е наведено во одлуката, мерката има цел да го заштити домашниот пазар од недостиг и зголемување на цените, во услови на глобални нарушувања на светскиот пазар на нафта и нафтени деривати.
