Средба Андоновски – Варнс: Потврдена соработка во дигитализација и сајбер безбедност

Министерот за дигитална трансформација, Стефан Андоновски, денеска одржа средба со вршителот на должност амбасадор на Соединетите Американски Држави, Н.Е. Никол Варнс, на која беше потврдена досегашната соработка меѓу двете земји во областа на дигиталната трансформација и сајбер безбедноста.

— реклама —

На средбата се разговараше за понатамошно продлабочување на билатералните односи, со посебен акцент на сајбер безбедноста, во контекст на неодамнешната средба во САД со заменик-државниот секретар Кристофер Ландау, каде била потврдена заедничката посветеност за унапредување на партнерството.

— реклама —

— реклама —

Беше изразена благодарност за поддршката од Амбасадата на САД, како и за техничката и финансиската помош во износ од 5 милиони долари, наменета за јакнење на сајбер безбедноста и дигиталната инфраструктура во државата.

— реклама —

Министерството за дигитална трансформација останува посветено на развој на безбедна и модерна дигитална средина и продолжување на соработката со Соединетите Американски Држави.