Средба Муцунски – Шакалиев: Фокус на економска соработка со Казахстан

Министерот за надворешни работи и надворешна трговија, Тимчо Муцунски, денеска оствари средба со министерот за трговија и интеграции на Република Казахстан, Арман Шакалиев, кој престојува во работна посета на земјата заедно со бизнис-делегација, се наведува во соопштението од Министерството.

— реклама —

Како што информираат од Министерството, на средбата двајцата министри оцениле дека посетата претставува потврда за интензивирање на билатералните односи и изразиле подготвеност за нивно понатамошно продлабочување во области од заеднички интерес.

— реклама —

Според соопштението, министерот Муцунски истакнал дека постои заедничка подготвеност за унапредување на економската соработка, при што било констатирано дека сегашната економска размена не го одразува реалниот потенцијал меѓу двете земји.

— реклама —

Од Министерството се наведува дека биле разгледани можностите за интензивирање на економската соработка и на институционално ниво и меѓу деловните заедници од двете земји.

— реклама —

Како што стои во соопштението, Муцунски нагласил дека приоритет останува создавање предвидлива и конкурентна деловна клима и привлекување странски инвестиции, при што била изразена отвореност за казахстански инвестиции во технолошко-индустриските развојни зони и други сектори, во согласност со нивните интереси.