Средба на министерот Панче Тошковски со премерот на Србија Милош Вучевиќ

Министерот за внатрешни работи Панче Тошковски, денеска (27.07.2024) во рамките на посетата на Република Србија оствари работна средба со премиерот на Република Србија, Милош Вучевиќ.

— реклама —

На средбата министерот Тошковски изрази благодарност за гостопримството потенцирајќи дека Србија е сосед кој е секогаш тука за нас кога е најпотребно и тоа многу пати во минатото е потврдено, а особено неодамна кога беше испратен српски хеликоптер за да помогне во гаснењето на пожарите.

— реклама —

Министерот Тошковски потенцираше дека соработката меѓу двете држави е на одлично ниво и само ќе се продлабочува во иднина.

Од страна на премиерот Вучевиќ беа упатени честитки за изборот на новата Влада и посочи дека ваквите средби се од големо знаење во негувањето на одличните односи меѓу двете земји.

— реклама —

Воедно премиерот Вучевиќ потенцираше дека Србија е земја која нема ниту едно отворено прашање со нашата држава и во тој контекст ќе биде наш поддржувач на секое поле, особено на евроинтегративниот пат.

— реклама —

Премиерот Вучевиќ исто така го поздрави назначувањето на министер од српската заедница во македонската влада, оценувајќи го како потег значаен за Србија во негувањето на традиционално добрите односи.