Стапија на сила царините што Канада ги воведе за увоз на американска стока во вредност од околу 20 милијарди долари

Канада воведе царини за Соединетите Американски Држави кои се однесуваат на увоз на американска стока во вредност од околу 20 милијарди американски долари (17,2 милијарди евра), соопшти канадското Министерство за финансии.

— реклама —

Новите царини се однесуваат на речиси 700 американски производи, по стапки во распон од 15 до 50 отсто. Воведените царини се однесуваат на производи од челик и алуминиум, како и на земјоделска опрема и производи за домаќинство, како што е тоалетната хартија, пренесува CBC.

— реклама —

Одлуката на Канада уследи откако администрацијата на американскиот претседател Доналд Трамп воведе царини од 50 отсто на канадската стока, како и по неуспехот на трговските преговори.

— реклама —

Претседателот на Канадската федерација на независни бизниси (CFIB), Ден Кели, која претставува повеќе од 100.000 мали и средни претпријатија низ земјата, изјави дека најновата ескалација во трговската војна кај некои од нејзините членови предизвикува чувство како владата нивните бизниси да ги прогласила за потрошен материјал, бидејќи поради воведувањето на царините од САД ќе поскапат материјалите што се увезуваат од таа земја.

„Тие се чувствуваат како топовско месо во трговската војна со Соединетите Држави. Тоа не е добро чувство. Претходните рунди (царини) влијаеја на големи стоки и работи како автомобилите. Оваа рунда е насочена кон моите членови, сопствениците на мали и средни претпријатија низ Канада, кои моментално се во навистина тешка состојба“, рече Кели.